Historia del Cine Asturianu

HISTORIA DEL CINE ASTURIANU, que supunxo pal autor unos dos años de trabayu d'investigación, consta d'unes 400 páxines y recueye tola historia de les películes asturianes, los directores y de toos aquellos que contribuyeron nel arte cinematográficu como guionistes y actores asturianos. La publicación supón un fitu fundamental na historiografía fílmica asturiana yá que ye la primer vez que se publica una historia completa del cine asturianu. El llibru ta escritu en llingua asturiana y ye una referencia bibliográfica básica de la filmografía del cine asturianu.

La historia del cine asturianu ye una historia inda nun estudiada a xeitu. Esti llibru ye’l primer planu xeneral d’un edificiu que se tien que restaurar: el del cine asturianu, el cine realizáu polos asturianos. La historia interna de les motivaciones, inquietúes, tendencies, ambiciones y oxetivos de los directores asturianos y la configuración creativa de tol procesu conxuntu na realización de les películes asturianes ye un tema interesante que requier con urxencia una mínima atención por parte de toos. A ello hai qu’axuntar un grupu de pelicules que pola so temática y realización presenten un grau d’asturianidá tan eleváu que merecen por sí soles el calificativu de películes asturianes. Los guionistes asturianos tamién llograron dar al cine una seña d’identidá propia. Esti llibru quier dexar testimoniu pa que tou esti bayurosu patrimoniu artísticu asturianu nun se pierda nin s’escaeza baxo les niebles del tiempu.

Customer Reviews: