Espublizastur SL pon a la disposición de los veceros un nuevu club de Llectores qu´ufierta un nuevu conceutu de llibros, unos llibros independientes, pa ello ñaz “Llibros de Nós”, una nueva forma de lleer y d´escribir. Al rexistrase na nuesa tienda virtual, los veceros nun aceuten más condición que la de recibir información sobro esta iniciativa. Pudiendo, en cualquier momentu aceder a los sos datos pa camudalos o esborrialos. Una vez ingresáu puede aceutar los términos. condiciones y responsabilidaes que salgan d´ellos, pa ser soscritor, estes condiciones desplicanse darréu:

1.     La aceutación y términos de estes condiciones son obligaes pa facer cualaquier merca nesta tienda. Estes condiciones poderán variar en función de ser soscritor aceutáu por Llibros de Nós, y un simple veceru.

2.     Nel procesu de rexistru el veceru definirá un nomatu y una clave d´accesu, siendo la so responsabilidá la confidencialidá de los mesmos. Polo mesmo entiéndense que´l accesu con esi nomatu y contraseña vien fecho pola persona que los creó.

3.     Esta contraseña permite-y al veceru a facer compres, conocer l´estaú de les mesmes y tener accesu a información nun ambiente confidencial y seguru.

4.     Estos datos sedrán utilizaos sólo por Espublizastur SL.

5.     Los precios, promociones y servicios especiales ufiertados en www.llibrosdenos.com son d´esclusiva aplicación n´esti portal, nun siendo posible l´aplicalos, canxearlos o amestalos n´otros ámbetos de la editorial, nin a otres promociones dixebraes del mesmu portal.

6.     Pa que la compra seya valedera tienen de cumplise toles condiciones anteriores, y qu´haiga esistencies de los productos

7.     Les condiciones d´unviu son les escoyies pol veceru, teniendo en cuenta los diferentes cargos qu´hai por cada una d´elles.

8.     Nun se da un plazu d´unviu, siendo el de los soscritores tolos díes 15 de cada mes, esceutu Xunetu y Agostu que nun hai llibru mensual. Pal restu de veceros el plazu dependerá de la disponibilidá del llibru nes nueses istancies o d´editoriales asociaes.

9.     La forma de pagu ye esbilláu ente les opciones, y aceutáu pol veceru. Asumiendo los costes adicionales que pue tener les diferentes menes de pagu.

10.   Pa efeutuar pagos mediante terceros, como ye´l casu de paypal, el veceru tien de aceutar les condiciones propies de la páxina qu´ufierta la mena de pagu, Espublizastur SL nun se responsabiliza d´ello.

11.   Nel portal web www.llibrosdenos.com puen esistir midificaciones ya igües nos precios por errores tipográficos, nun teniendo qu´avisar a los veceros por ello.

12.   Los soscritores comprometense a garrar un llibru al mes, esceutu los meses de Xunetu y Agostu durante un año, prorrogable de forma automática añu a añu, n´otru sen los soscritores beneficiaranse de too lo que colleva ser soscritor de llibros de nós